Na tranquilidá que s’asocia al mediu rural medren iniciatives y inquietúes que se convierten nun polvorín del que surden proyectos qu’abren horizones nuevos nos que posar la mirada y la neurona d’inventar.
Asina lo vamos comprobar esta fin de selmana en L’Apiaderu: el vienres vienen Biela y Tierra a les 19:00 hores a presentanos el so proyectu y depués Ún de Grao anímanos la velada colos sos cantares.
Al otru día, tamién a les 19:00 hores, vien la xente encausada por poblar el pueblín manchegu de Fraguas a contanos la so historia y cómo anda la cuestión. Y volvemos a zarrar la xornada con musiquina, esta vuelta con Dr. Balkan.
Asina que lo dicho: más que rurales y vives nel CSA L’Apiaderu.
L'Apiaderu 